بلاك ارمي توجه رسالة شديدة اللهجة لكل من يعكر صفو حركية “الكورفاتشي”

30 أغسطس 2022 - 12:30

خرج فصيل بلاك ارمي المساند للجيش الملكي لتوضيح ظروف وأوضاع الموسم المنصرم وكذا الظروف التي تسبق بداية الموسم الرياضي الحالي.

وأضافت المجموعة في بيان لها، "المجموعة تتأكد على العهد لي جا منا من يوم التأسيس و كيف كل مرة خاصنا نلبيو من موراه النداء، وكتثمين لجهود خوتنا التراس عسكاري الرباط فالمسار لي خداتوا شكلا ومضمونا".

وفيما يلي نص البيان كاملا:

رجعات بلاك أرمي ١٤٢٧ باش تخاطب ولادها وناسها والجمهور لي كيتيق فيها باللسان الفصيح لي معمروا بغى يزوق ولا يبدل الصورة غير باش يتفادا هو الإنتقاد ويتنصل من المسؤولية.

سكات هاد الشهور لي فاتوا خلاصتو أننا تشدينا من اليد لي كضرنا، وميمكنش نحصرو هادشي غير من نهار خرج القرار ديال السماح للجماهير المغربية للرجوع ووقع لي وقع، بل امتداد لواحد النهج تخاد ضدنا من شهر 9 د العام لي فات، فاق حدود أنك تشرحوا بكلمة استبداد ولا تعطيه وصف قمع، لدرجة أن كلشي فهم بلي خرج تصنيف الأشباه فكفة وبعض المجموعات فكفة أما حنايا تعطاتنا خانة بعيدة على الموضوع كولو بحسب ماشفناه والتفاصيل لي عشناها، وهنا بدينا كنفهموا وتبلورات ديك الكلمة لي كنا كنعاودوها بزاف فبياناتنا ولا خرجاتنا لي فاتوا ألا وهي "الضريبة"، ضريبة يتجر ليك الكرسي والطبلة وأنت متريحش، ضريبة الوقت لي سكت فيه كلشي وكنتي أنت ماكاتبغيش تسكت، وضريبة التحدي فكل مرة هوما كانوا كيبغيوك تثبت، وضريبة أنك تاخد قرار متسرع وفيه واحد المساحة كبيرة من الغلط حيت نسيتي العين لي محطوطة عليك كتجري فطريق مغزاها أنت تحيد ومتبقاش منظومة، وغتبغي طيحك فالمحظور باش تكون الأرضية الخصبة لي تمارس فيها هي ديك الساعة السلطة ديالها تحت طائلة القانون وما يقدر يلومها تا واحد.

اليوم، كاين اختلاف فالظرفية لي كنعيشوا ولي تا هي كتستدعي يكون واحد الاختلاف كبير فأي خطوة كتجي على أرض الواقع، حنايا أولوياتنا بطبيعة الحال هي نكونوا مور الفريق ونشجعوه ونساندوه بواحد الطريقة لي كتخدم فنفس الوقت مصلحة دراري لا حول لهم ولا قوة كيضربوا فالحبس ظلما و عدوانا، داكشي علاش القرار العقلاني لي غتدخل بيه بلاك أرمي هاد العام فطريق الإصلاح الخاص ديالها غادي يتطرح فالأيام القليلة القادمة، لي غادي يكون فيه مجال كبير لواحد الاصلاح داخلي بالنسبة لنا وخارجي بالنسبة للجمهور كولو ككيان واحد.

المجموعة تتأكد على العهد لي جا منا من يوم التأسيس و كيف كل مرة خاصنا نلبيو من موراه النداء، وكتثمين لجهود خوتنا التراس عسكاري الرباط فالمسار لي خداتوا شكلا ومضمونا مع التأكيد بأن يد وحدة عمرها غتصفق، فقادم الأيام غادي تاضح لكولشي الصورة و غادي تزال واحد الضبابية لحتماتها الظروف و الأسباب المشار إليها أعلاه، مع واحد التأكيد على أن أي فرد أو جماعة تتجي للتيران منتمية أو غير منتمية غتبغي توقف فطريق الاستصلاح غتلقانا بواحد الوجه غير مألوف وبه وجب الإعلام.

شارك المقال مع أصدقائك

شارك برأيك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقالات ذات صلة

هجوم موسكو يرفع التأهب الأمني في أولمبياد باريس 2024

الفوتسال.. صقر أكادير بطلا لموسم القادسية السعودي

أسود الشاطئ يفوزون على منتخب السالفدور