“الوينرز” و”الغرين بويز” يصدران بلاغا مشتركا بعد أحداث شغب طماريس بالبيضاء

01 ديسمبر 2021 - 02:00

أصدر فصيلا "الوينرز" المساند للوداد الرياضي و"الغرين بويز" المشجع للرجاء الرياضي، بلاغا مشتركا بعد أحداث "الشغب" التي شهدتها منطقة طماريس بمدينة الدار البيضاء، نهاية الأسبوع الماضي.

وطالب الفصيلان، في البلاغ الذي نشراه على صفحاتها الرسمية على مواقع التواصل الاجتماعي، والذي جاء بعنوان بـ"حركة نقية، شغف بلا شغب"، "طالبا" بالحد من أعمال الشغب وتشجيع فرقمها في إطار من الروح الرياضية وبدون عصبية.

وفيما يلي البلاغ الكامل لفصيلا "الوينرز" و"الغرين بويز":

"من ديما كانتغناوا بلي الحركية كانت هي المتنفس و هي لي كاتخلينا نعيشوا الشغف ديالنا بما يرضي الله. إلا أننا مؤخرا ولينا كانشوفوا أحداث لا علاقة ليها بالحركية ولات عوض أنها تحيينا كاتقتلنا، أحداث لي أي عضو أولترا مايمكنش يقبل بيها و مايمكنش يسمح ليها تولي جزء من الموفمون لي كانعيشوه".

"حيث الموفمون أكبر و أنقى من أنه يتوسخ بتصرفات بحال هادي و يتلطخ بدماء العقاب ديالها قدام الخالق صعيب نتصوروه. قلنا و مازال غا نقولوا بلي المنافسة خصها تبقى فالتيران، بلي المنافسة خصها تكون شريفة حيث هاداك هو السبيل الوحيد باش نحافظوا على حركية نقية، باش نعيشوا شغف بلا شغب، باش الوالدين يبقاو هانيين على أولادهم و باش الدم يبقى كايجري فالعروق عوض يسيل من الجرح.. و ماشي كاع الجروح كايتخيطوا".

"حنا كلنا ملزومين باش نتاقيو الله فبعضياتنا و فريوسنا و والدينا. الغروبات حاولوا و مازال كايحاولوا يديروا قطيعة مع أعمال الشغب لي كاتجرنا لحوايج تا واحد فينا ما باغيها، و لكن كل مرة كانلقاو بلي لي درناه ماكافيش".

"وهادشي علاش هاد المرة خصنا نكونوا أكثر صرامة و أكثر مسؤولية من قبل و نلتزموا التزام حقيقي بالقرارات لي غادي نخرجوا بيها فالمستقبل القريب. خص الأعضاء من جهتهم كذلك يثبتوا بلي أحداث الشغب ما هي إلا استثناء و ماشي قاعدة فالحياة ديال المومبر و التعبير ديالهم على الانتماء للغروب مايكونش بالبرودويات فقط و يكون بتطبيق الأمور لي غانتفقوا عليها إلا كنا بصح بغينا نكونوا فأجواء لي تنقي و تخلينا نعيشوا الموفمون أولترا ماشي يقتلنا موفمون ماعرفناه شنو هو".

"حركية نقية، شغف بلا شغب".

واندلعت، زوال الأحد الماضي، أحداث شغب بين جماهير فريقي الوداد والرجاء الرياضيين، بمنطقة تماريس بمدينة الدار البيضاء.

وحسب بعد المصادر، فقد حدث شجار بين جمهور الوداد وجمهور الرجاء ب"كریان" بنعبيد بمنطقة تماريس بمدينة الدار البيضاء، ما تسبب في إغلاق الطريق 320 الرابطة بين أزمور والبيضاء من كلا الجهتين لما يقارب الساعة والنصف.

وأشارت المصادر ذاتها إلى أن جماهير الفريق الأخضر اعترضت أنصار الوداد بعدما عمدوا إلى إزالة شعار خاص بالرجاء الرياضي بالمنطقة، ليثير الأمر غضب "النسور" وتنطلق مشاحنات ومشادات بين الجمهورين أدت لعدد من الخسائر المادية، حيث أتلفت عدد من السيارات المتوقفة بالمنطقة.

وأثارت هذه المشادات، تضيف المصادر، هلع الساكنة بالمنطقة المذكورة، حيث حمل عدد من المحسوبين على الأنصار سيوفا وهددوا بعضهم البعض.

شارك المقال مع أصدقائك

شارك برأيك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مقالات ذات صلة

هجوم موسكو يرفع التأهب الأمني في أولمبياد باريس 2024

الفوتسال.. صقر أكادير بطلا لموسم القادسية السعودي

أسود الشاطئ يفوزون على منتخب السالفدور