أعلن جناج نادي الوداد الرياضي، إسماعيل الحداد، نهاية فترته الثانية مع الفريق الأحمر بشكل رسمي، بعد 6 أشهر من عودته إليه قادما من الخور القطري.
وودع الحداد جماهير الوداد، عبر منشور على صفحته الرسمية على انستغرام، قائلا: "لكل بداية نهاية.. هذا الموسم كان هو الأخير لي مع الوداد..رجعت للفريق في ظروف صعبة، وكان الأمل ديالي كبير نقدم كل ما في جهدي باش نساعد الفريق ديالي، لكن للأسف عشنا موسم استثنائي وصعيب. بزاف ميمكنش ندخل في تفاصيل".
وأضاف الحداد، "أولا كنعتادر للجمهور الودادي العريض، أنا أول واحد من يتحمل المسؤولية لأننا مافرحناهومش هاد العام، كيفما تعود على الوداد في العشر سنين الأخيرة.. ..كنبغي نودع العائلة الودادية، لأن هذا موسمي الأخير مع هاد النادي العظيم، ومن اليوم غادي نكون مشجع للنادي، كيفما كنت دائما. قوة الوداد في الاتحاد ديالو، وفي التلاحم في الظروف الصعبة قبل المزيانة، وبتظافر الجهود ديال كل المكونات غادا ترجع الوداد قوية ومخيفة في الداخل كيما في الخارج.
وأردف الحداد "باش نلعب للوداد هذا كان حلم، والحمد لله تحقق ليا، وباش نفوز مع النادي ديالي بالألقاب وبالبطولات وبعصبة الأبطال، هذا كان الحلم الأكبر وتحقق والحمد لله.. شكرا لكل اللاعبين اللي لعبت معاهم، لكل المدربين اللي دربوني، وساعدوني في المشوار ديالي، شكرا للطاقم الطبي على الإحترافية والإحترام شكرا لكل المسيرين وفي مقدمتهم الأب الروحي سعيد الناصري الله يفك سراحو.. شكرا لجمهور الوداد الكبير، أحسن جمهور في العالم، على الدعم وعلى الحب ديالكم.. شكرا للوينيرز الدرع الحصين للوداد، واللي مازال الصدى ديال التشجيع ديالهم وصوتهم المرعب في المدرجات كيتردد.. ديما ديما وداد.
يذكر أن الحداد سبق له حمل قميص نادي الوداد الرياضي ل6 مواسم، ثم غادره لخوض تجربة بالدوري القطري بعدما جاور نادي الخور، قبل أن يعود للوداد في فترة الانتقالات الشتوية، الموسم المنصرم.
